भारी वर्षाका कारण उर्लाबारी क्षेत्र भएर बग्ने खोलानालामा बाढी आएको छ ।

NayaNaya Khabar
716 दिन अगाडि

गएराती भएको चट्याङ्सहित मुसलधारे वर्षाले उर्लाबारीलगायत पूर्वका विभिन्न क्षेत्रहरुको जनजीवन प्रभावित भएको छ । यस्तै ढल निकास व्यवस्थित हुन नसक्दा र खाल्डाखुल्डी साथै अव्यवस्थित सहरीकरणले उर्लाबारीलाई पनि असर पुगेको छ ।

कोशी प्रदेशको पूर्व क्षेत्र हुदै नेपाल भित्रिएको मनसुनको प्रभाव सुस्त गतिमा देखिएकोले सो क्षेत्रमा अझै एक सातासम्म यसको प्रभाव देखिने जल तथा मौसम विज्ञान विभाग मौसम पूर्वानुमान महाशाखाले जनाएको छ ।

वर्षातको कारण बक्राह नुनसरि र मावा खोलामा बाढी आएको छ ।

वर्षात् अझै लम्बिनेभएसँगै सो क्षेत्र आसपास बसोबास गर्ने जनसमुदायहरुमा सतर्कता अपनाउन हार्दिक अनुरोध गर्दछौँ । यसका साथै सडकका खाल्डाखुल्डी र कुलो,पैनीहरुमा समेत पानी जमेकोले आफ्ना बालबालिका र जेष्ठ नागरिकहरुलाई विशेष ध्यान दिन आग्रह गर्दछौँ ।

तस्विरमा: मंगलबार बिहान बक्राह नुनसरि खोलामा बाढीको अवस्था