मिक्लाजुङ । मोरङको मिक्लाजुङ गाउँपालिकाले आगामी आर्थिक वर्ष २०८२/०८३ का लागि कुल ७९ करोड ९२ लाख ४९ हजार ८ सय ७० रुपैयाँको बजेट सार्वजनिक गरेको छ। गाउँपालिकाका उपाध्यक्ष दिनेश पौडेलले सोमबार गाउँसभामा बजेट तथा कार्यक्रम पेश गर्दै विभिन्न क्षेत्रगत योजनाहरूमा रकम विनियोजन गरिएको जानकारी दिएका हुन्।

आर्थिक विकासतर्फ कृषि, पशुपंक्षी, पर्यटन र सहकारी क्षेत्रका लागि १ करोड ४६ लाख १५ हजार रुपैयाँ छुट्याइएको छ। सामाजिक विकासतर्फ शिक्षा, स्वास्थ्य, लैंगिक समानता, खेलकुद, भाषा-साहित्य, खानेपानी र सामाजिक सुरक्षालगायतमा ४ करोड ८० लाख ८७ हजार रुपैयाँ विनियोजन गरिएको छ।

सबैभन्दा बढी रकम भौतिक पूर्वाधार क्षेत्रमा छुट्याइएको छ। यसतर्फ २० करोड १६ लाख ७ हजार ६सय५५ रुपैयाँ विनियोजन गरिएको छ, जसमा अघिल्लो वर्षका योजना निरन्तरताका लागि मात्र १४ करोड २० लाख रुपैयाँ छुट्याइएको हो।

वन तथा वातावरण व्यवस्थापनमा ५० लाख ५० हजार, सुशासन तथा प्रशासनिक सुधारमा ११ करोड ९१ लाख ५० हजार रुपैयाँ खर्च हुने उल्लेख गरिएको छ।

उपाध्यक्ष पौडेलका अनुसार बजेट निर्माणमा समावेशी दृष्टिकोण अपनाइएको छ र वडागत योजनाका लागि मात्र ५ करोड ३९ लाख रुपैयाँ छुट्याइएको छ।

बजेटसँगै आगामी वर्ष मिक्लाजुङ गाउँपालिकाको समानुपातिक, समावेशी र दिगो विकासलाई प्राथमिकता दिइएको जनाइएको छ।

• 
• 
• 
• • • धेरै कमेन्ट गरिएका
  • वडा स्तरीय भलिवल प्रतियोगिताको उपाधि वडा नं. ७ लाई
  • पन्चमी सिमसार को लागि मिक्लाजुङ मा श्रमदान
  • कर्मचारी नै चोर भएको भन्दै किटानी जाहेरी, आर्थिक अनिमित...
  • भारी वर्षाका कारण उर्लाबारी क्षेत्र भएर बग्ने खोलानालाम...
  • चीन पुगे प्रधानमन्त्री दाहाल
  • सप्तकोशीमा ढुङ्गा दुर्घटना प्रकरण पत्रकारको उपचार गर्द...
  • वडा नं. ७ सेमी फाइनलमा
  • मिक्लाजुङ गाउँपालिकाको दास्रो गाउँसभा तथा ११ औं अधिवेशन...
  • मधुमल्लामा राष्ट्रिय वाणिज्य बैंकको ६१औँ वार्षिकोत्सव स...